Panghalip

Panghalip

Ang panghalip (o pronoun) ay bahagi ng pananalita na inihahali o ipinapalit sa pangngalan (noun) upang mabawasan ang paulit-ulit na pagbanggit sa pangngalan na hindi magandang pakinggan.

Halimbawa:

1. Si Maria (pangngalan)  ay pumunta sa palengke. Si Maria (pangngalan) ay bumili ng bangus. Bumili rin si Maria ng mga gulay.

Si Maria ay pumunta sa palengke. (Maaaring hindi na muna ihalili ang panghalip

sa pangngalan sa unang pangungusap dahil hindi mauunawaan ang susunod na

mga pangungusap.) Siya ay bumili ng bangus. Bumili rin siya ng mga gulay.

2. Ibigay mo ang mga aklat kay Rosa

    Ibigay mo ang mga ito sa kanya.

3.Kay Mila ang mga rosas na nasa mesa.

   Sa kanya ang mga iyan.

4. Sina Jose at Pedro ay naliligo sa ilog.

    Sila ay naliligo sa ilog.

5. Ang pag-ehersisyo ay mabuti sa katawan ni Juan.

   Ito ay mabuti sa katawan niya.

Source: http://teksbok.blogspot.com

Bahagi ng Pananalita

Tayo ay mayroong sampung bahagi ng pananalita sa Filipino- ang pangngalan, panghalip, pandiwa, pangatnig, pang-ukol, pang-angkop, pang-uri, pang-abay, pantukoy at pangawil o pangawing.

1. Pangngalan - (noun) mga pangalan ng tao, hayop, pook, bagay, pangyayari. Ginamit ito sa pagtawag sa pangalan ng mga hayop, tao, atbp.

Halimbawa: Mother Theresa, Pasko, hayop, sasakyan

2. Panghalip - (pronoun) paghalili sa pangngalan.

Halimbawa: sila, tayo, ako, ikaw, natin, siya, atin, amin, kanya.

3. Pandiwa - (verb) bahagi ng pananalita na nagsasaad ng kilos o gawa.

Halimbawa: kain, lakad, sulat

4. Pangatnig - (conjunction) ginagamit para ipakita ang relasyon ng mga salita sa pangungusap.

Halimbawa: dahil, maging, man, gawa ng, upang, nang, para, samantala atbp.

5. Pang-ukol - (preposition) ginagamit kung para kanino o para saan ang kilos.

Halimbawa: para, ukol, ayon

6. Pang-angkop - (ligature) bahagi ng pananalita na ginagamit para maging maganda pakinggan ang pagkakasabi ng pangungusap.

Halimbawa: na, ng, g. magarang kotse.

7. Pang-uri (adjective) - naglalarawan ng katangian ng pangngalan o panghalip.

Halimbawa: matangkad, mabango, mababaw

8. Pang-abay - (adverb) naglalarawan sa pang-uri, pandiwa at kapwa nito pang-abay

Halimbawa: taimtim, agad, tila, higit, kaysa

9. Pantukoy - (article o determiner ) tinutukoy ang relasyon ng paksa at panag-uri sa pangungusap

Halimbawa: si, ang, ang mga, mga

10. Pangawing - (linker) nagpapakilala ng ayos ng mga bahagi ng pangungusap.